MA DI SMO SE MAKLI
2 posters
Stranica 1 / 1.
MA DI SMO SE MAKLI
MA DI SMO SE MAKLI
Ma di smo se makli o' svoga komina,
kajno da smo raci, a mirine vapu
duše ke su pošle sa svitlon lumina
pa su rastužile i 'nu škuru napu.
Ma di smo se makli, da nan drugi šiju ...
Ki će peku par'ćat i kruh zaprećati;
namistit trnoge i skuhat lušiju
ka' će se, prez ikog, i sutra snoćati?
Ma di smo se makli u mrzlu tujinu,
ostavili žala, masline i sike,
a mogli smo kusat i sir i pujinu,
neg' smo u svit pošli cuncukati zike.
I mogli smo gljedat doma dicu dragu,
a ne se klanjati u tujini vragu!
POETA sa školja
Ma di smo se makli o' svoga komina,
kajno da smo raci, a mirine vapu
duše ke su pošle sa svitlon lumina
pa su rastužile i 'nu škuru napu.
Ma di smo se makli, da nan drugi šiju ...
Ki će peku par'ćat i kruh zaprećati;
namistit trnoge i skuhat lušiju
ka' će se, prez ikog, i sutra snoćati?
Ma di smo se makli u mrzlu tujinu,
ostavili žala, masline i sike,
a mogli smo kusat i sir i pujinu,
neg' smo u svit pošli cuncukati zike.
I mogli smo gljedat doma dicu dragu,
a ne se klanjati u tujini vragu!
POETA sa školja
Zadnja promjena: Poeta; ned svi 25, 2008 5:12 pm; ukupno mijenjano 1 put.
Poeta- Admin
- Broj postova : 37
Join date : 01.05.2008
Hvala!
Zahvaljujući tvojim stihovima na najljepši je način zaživio ovaj naš forum. Uz pohvale tvom sonetu, evo idem i ja zalijepiti jednu pjesmu posvećenu rodnom kraju.
Les- Broj postova : 54
Join date : 30.04.2008
Lokacija : Buffalo, NY
ŽIRJE I KORNATI
ŽIRJE I KORNATI
Ka' je Bog svit ovi unda stvara,
bilo ča bi uzeja u ruke,
oli leda oli vrilog žara,
ter bi baca doli bez po muke.
A kada je Jadran crta plavi
bisere je skuplja, ako znate,
pa se i Njem' vrtilo u glavi
dok je stvara Žirje i Kornate.
Lipota mu u glavu smirila
mnogih dragih i vala i žala;
stina-dragulj iz dna izvirila,
okrenuta poljubcu meštrala.
Žirje moje, daleko o' kraja,
Bog te stvori na priliku raja!
POETA sa školja
Ka' je Bog svit ovi unda stvara,
bilo ča bi uzeja u ruke,
oli leda oli vrilog žara,
ter bi baca doli bez po muke.
A kada je Jadran crta plavi
bisere je skuplja, ako znate,
pa se i Njem' vrtilo u glavi
dok je stvara Žirje i Kornate.
Lipota mu u glavu smirila
mnogih dragih i vala i žala;
stina-dragulj iz dna izvirila,
okrenuta poljubcu meštrala.
Žirje moje, daleko o' kraja,
Bog te stvori na priliku raja!
POETA sa školja
Poeta- Admin
- Broj postova : 37
Join date : 01.05.2008
ŽIRJE MOJE
ŽIRJE MOJE
Drža san te ka kaplju na dlanu,
čuva san te i noći i dane
i ljubija suzu tvoju slanu,
čekajući da ti sunce grane.
Otiša san, bolje nisan moga,
u svit bili di i moja klapa,
i bez škole i zanata svoga,
u trlišu, a na glavi kapa.
Žirje drago, misto moje rodno,
u tebi mi moja mladost projde,
ono vrime i grubo i zgodno,
za te živin žudeć da ti dojden.
Dojti ću ti, ubrzo ćeš znati.
Dočekaj me, radosti mi vrilo,
jer te volin kajno dite mati
kad ga smisti u teplo joj krilo.
POETA sa školja
Drža san te ka kaplju na dlanu,
čuva san te i noći i dane
i ljubija suzu tvoju slanu,
čekajući da ti sunce grane.
Otiša san, bolje nisan moga,
u svit bili di i moja klapa,
i bez škole i zanata svoga,
u trlišu, a na glavi kapa.
Žirje drago, misto moje rodno,
u tebi mi moja mladost projde,
ono vrime i grubo i zgodno,
za te živin žudeć da ti dojden.
Dojti ću ti, ubrzo ćeš znati.
Dočekaj me, radosti mi vrilo,
jer te volin kajno dite mati
kad ga smisti u teplo joj krilo.
POETA sa školja
Poeta- Admin
- Broj postova : 37
Join date : 01.05.2008
Stranica 1 / 1.
Permissions in this forum:
Ne moľeą odgovarati na postove.